الفراغ بيعمل ايه فى العرب وخصوصا فى (..........)

الفراغ بيعمل ايه فى العرب وخصوصا فى (..........)

السلام عليكم
انا جبت موضوع النهارده اترددت كتير قبل مااوقوله بس استنفزنى انى اكتب فيه وقولت اشوف راى باقى الاعضاء ايه يمكن اكون انا اللى مزوداها؟

من يومين تلاته شوفت برنامج وكان من حضوره دكاترة جامعه فى عين شمس والقاهره وادباء وباحثين

وكان هدفهم انهم يحققوا العداله الاجتماعيه (فى وجهة نظرهم بس طبعا)

ان تحقيقها بيجى عن طريق تغيير نسب المرأه والرجل يعنى بدل ما يبقى الانسان مثلا اسمه
محمد احمد لا يبقى اسمه محمد هدى احمد
على اساس ان هدى دى اسم امه
وكان من الحضور . الصحفيه منى حلمى اللى بتدعوا نفسها منى نوال حلمى

والدكتور .احمد حكمت هانم زى ما بيسمى نفسه ( استشارى طب العيون واحد كتاب مجلة نساء مصر)

والدكتور . محمد عزيزه فتوح (الكاتب والباحث)
وفى وجهة نظرهم ان ده تصحيح لخطأ اجتماعى شائع وتصحيح لوضع تاريخى خاطىء موجود فى كل العالم العربى وظلم بين للمرأه لان مش جزاء المرأه مجرد كلمة كل سنه وانتى طيبه فى عيد الام وكرت تافه وبس لا لازم نكرمها ونبقى ندى للاب الكرت ده ونقوله كل سنه وهو طيب وننسب احنا نفسنا للأم ولازم يتصلح الخطأ ده عشان نبقى مجتمع متقدم وراقى و
بقى ده اسمه كلام يتعقل لاى حد
واللى يجنن بقى ان نسبه كبيره من الادباء رايهم كده وعاملينها قضيه شوفتوا الناس وصلت لغايه فين؟!
شايفين الفراغ اللى احنا فيه كل دوله ماشيه بتقدم

واحنا عمالين نحلل ونناقش فى قضايا ملهاش لازمه ايران اخترعت القنبله النوويه واحنا عايزين نحط اسم الام جمب الاب عشان المساواه ولسه كمان

مش عارفين هيعملوا فينا ايه اكتر من كده بالافكار المتخلفه دى مع احترامى لكون كل فرد منهم انسان فقط لان لما الادباء يعملوا كده ودكاترة الجامعه اللى المفروض مثقفين وناس دارسه اعلى دراسه يبقى الناس العاديه او اللى مستوى ثقافتهم محدود يعملوا ايه


لكن للاسف دى حقيقة المجتمع الحالى

وشكرا لسعة صدوركم لاضافة موضوعى ده وارجو التعليق اذا اردتم


قرأته فى احد المنتديات فحبيت اسمع تعلقكم عليه

الموضوع الأصلي: الفراغ بيعمل ايه فى العرب وخصوصا فى (..........) || الكاتب: عاشق الحب ذاته || المصدر: شات

شات جده

المصدر: منتديات الورود - من قسم: الـفـكـر الـحـر