يسولف لي عن الضيقه ..!!

يسولف لي عن الضيقه ..!!

يسولف لي عن الضيقه وانا كلي ألم وأحزان
وأنا من وين ماناظر بعيني شفـت ضيقاتـي

يسولف لي عن الضيقه وأنا عنوان للحرمان
دخيلك لا دخيل الجـرح لا تكشـف معاناتـي

دخيلك لا تشجعني أسولف وأكسـر الكتمـان
تعبت من السكوت اللي تعود يسكـن بذاتـي

عليم الله مافيني شبر يضحك فرح وأشجـان
وأنا لو جيت ابضحك لك أجيك أضحك بدمعاتي

حياتي شعرن وشاعر وجمهوري بقايا انسان

ونقـادي زمـن قاسـي ولا يفهـم كتاباتـي

أناظر للبشر حولي أحد يضحك أحـد طربـان
وأنا صعبن علي أضحك أسايرهم بضحكاتـي

عجزت أكذب على نفسي بفرحه ما بها ألوان
وحزني ما عجزعنـي بـدا يرسـم نهاياتـي

طريقي صعب وجروحي كثير وداخلي ضميان
أبي لو يـوم واحـد أحـاول أجمـع شتاتـي

أنا قصه تبعثرت وتطايـرت بزمـن خـوان
تعلمت أخسر البسمه وأداري عضـة شفاتـي

أبكتب لك وبالخط العريض وريشـه الفنـان
أنا الخسران توقيعي وانا الخسران بصماتـي

أكمل لك عن الضيقه اكمل لك عن الأحـزان
تأكد لو بكمل لك تصيـح وتطلـب سكاتـي.

اتمنى تعجبكم

الموضوع الأصلي: يسولف لي عن الضيقه ..!! || الكاتب: منت لي بس لا يقربونك || المصدر: شات

شات جده

المصدر: منتديات الورود - من قسم: شعر- قصيد - قصايد

جيده وتعبر عن مكنون الالم في صدر من عاشه وخبايا الحرمان من خجل الكلام
لك مني الشكر اختي ...............

أكمل لك عن الضيقه اكمل لك عن الأحـزان
تأكد لو بكمل لك تصيـح وتطلـب سكاتـي.

ذوووق رفيع ,, يعطيك العافية أختي ..

المشاركة الأصلية كتبت بواسطة ذوق ونظرتي فوق

جيده وتعبر عن مكنون الالم في صدر من عاشه وخبايا الحرمان من خجل الكلام
لك مني الشكر اختي ...............

هذا من ذوقج حبي وتسلمين


على المرور الرائع

المشاركة الأصلية كتبت بواسطة مليت من تبوك

أكمل لك عن الضيقه اكمل لك عن الأحـزان
تأكد لو بكمل لك تصيـح وتطلـب سكاتـي.

ذوووق رفيع ,, يعطيك العافية أختي ..

هذا من احسسساسك ياخوي

وتسلم على المرور العـــطرر