شوفوا ذكاء البنات عيني عليهم بارده

شوفوا ذكاء البنات عيني عليهم بارده

صباحكووو ورد
ومساكم ياسمين
السلام عليكم
ويلاه نبدا
الملك سال الشعب سوال وقال اللي يجاوب عليه صح!!
راح اعطيه فلوس مرة كثيره وكل شي يبغاه
السوال هو
ايش اكثر شي وايش اكبر شي؟؟؟؟؟؟
راح الخادم علي بيته وقاعد يفكر.....
جته بنته وقالت:ايش فيك ؟؟
قام قالها:الملك اليوم سال الشعب سوال وقال اللي يجاوب عليه...
راح يعطيه فلوس وكل اللي يبغاه وانا مو عارف الاجابه..
البنت: ايش هو السوال؟؟
الخادم:ايش اكثر شي وايش اكبر شي ..؟؟؟
البنت:روح عند الملك وقله اكبرشي ارضك واكثر شي مالك...
راح الخادم عند الملك وقاله:ياملك انا لقيت اجابه لسوالك...
قال الملك: تفضل
الخادم:اكثر شي مالك واكبر شي ارضك
الملك: مين قالك الاجابه
الخادم: بنتي
الملك: روح قلها...
لابسه ومهي لابسه ..
ماشيه ومهي ماشيه..
هديه ولا مو هديه ؟؟؟

الخادم راح عند بنته وقالها:الملك يقول
لابسه ومهي لابسه
ماشيه ومهي ماشيه
هديه ولا مو هديه؟؟؟
البنت: طيب روح جيب لي شبكه..وغنمه.. ولحمه..
استغرب الاب الخادم من الطلبات بس راح وجابها..
لبست البنت الشبكه وركبت الغنمه..ومسكت اللحمه وراحت ودخلت عند الملك..
وقالت:ياملك.. انا لابسه شبكه ومو لابسه ..
وماشيه بس مو علي رجولي علي غنمه..
وهذي لحمه انت تعتبرها هديه ولا مو هديه..
الملك اعجب بذكاء البنت وقالها تتزوجيني؟؟
اتزوجت بنت الخادم الملك..وعاشو في سبات ونبات..وخلفوا صبيان وبنات
المهم..
بعد سنين كان فيه خادم من الخدم اعطاه الملك حصان هديه..
وفي يوم نام الخادم ونسي ياكل الحصان قام هاج الحصان فجاه..
الملك طرد الخادم وقاله هات الحصان وروح..
راح الخادم وهو زعلااان..
المهم شافته الملكه.. وقالتله ايش فيك..
قالها:الملك طردني واخذ الحصان مني..
قامت قالتله:خذ صنارةواقعد اصطاد بالحديقه علي العشب
ولو جاك الملك وقالك ايش تسوي قلهاذا انت مارزقتني يمكن ربي يرزقني..
سوا الخادم زي ماقالتله الملكه..
جاه الملك.. ايش قاعد تسوي..
الخادم:اذا انت مارزقتني ربي يرزفني..
قام الملك قاله: مين قالك تقول كذا.
الخادم: الملكه
عصب الملك ..وطفشمن ذكاء البنت..
وراح لها وقالها:شوفي يابنت الناس.. لمي اغراضك.. وروحي علي بيت اهلك
بس قبل ماتروحي سويلي شاي وخذي اغلي شي عندك..
المهم ..
قامت البنت سوتله شاي وحطتله فيه منوم.
المهم صحي الملك..ولقي نفسه في بيت الخادم (ابو البنت)
قام قال:ايش اللي جابني هنا!!
مو انت قلت لي روحي بيت اهلك وخذي اغلي شي عندك..!!
وانت اغلي شي عندي

الموضوع الأصلي: شوفوا ذكاء البنات عيني عليهم بارده || الكاتب: دانة الدنــــيا انا || المصدر: شات

شات جده

المصدر: منتديات الورود - من قسم: قصص

ههههههههههههه
والله حلوة بس البنت ذكية
ماشاء الله سبحانه
الله يعطيك العافية موضوع رائع
تقبلي مروري
اخوكم.....((مـــــداووووي~~~~الجــــــروووووح))

اكيد ذكيه مو هي بنت ههههه
الله يعطيك العافيه

ويعني كل البنات ذكيات
طبعا لا

الا ذكيااات وانا اولهم فديتنا